Beste Tuurhouters en Tuurhouterinnekes,

Ich bèn Axel Coenen, 13 joar oud. Ich zit op de brugklas van ’t Trevianum. Es hobby goan ich elke vriedig mit pap sjnorkele en krieg ich duuklesse. Volgend joar wil ich mien duukbrevet goan hoale. Elke zoaterdig goan ich noa Lömmerich noa de scouting. Dit doon ich al heal erg lang. Wiejer speel ich gear mit lego. Auch doon ich geer sjake. Van miene pap win ich ummer, doarom ben ich bie een sjaakclub gegange. Es ich wiejer niks te doon höb, dan zit ich achter de tillefoon. Wiejer es se mich zuus beweage, dat klop det waal. Ich ken neet sjtil zitte. Vasteloavend zit in de femillie. Miene pap woar prins in 1996 en mien oudste zus is jeugprinses geweas is 2018. Ich hoap dan auch op ein heal sjiek vasteloaves sezoen. Elke keer verheug ich mich om ’t pekske aan te doon en de scepter vas te hauwte. Dan wil ich mit jederein heal veul sjpass en plezeer make.

Alaaf!

Jeugprins Axel